Gabadh Reer Somaliland oo ka Qaybgalaysa Tartanka Miss Afirka ee Dalka Ingiriiska

0
94

Waxa Qoray Cumar M. Faarax

Hargeysa(Gudgude)- Gabadh reer Somaliland ah ayaa markii u horraysay ka qaybqaadanaysa bandhigga quruxda hablaha Miss Afrika ee dalka Britain oo la qabanayo  sannadkan.

Bandhigan oo ah sannadkii 7-aad, waxaa uu ka qabsoomayaa  hoolka Royal Regency Hall ee magaalada London 14-ka Bisha October ee sannadkan. Miss Ayaan oo haysata  dhalashada  Ingiriiska, kana  soo jeeda Somaliland, ayaa ka mid ah 26 gabdhood oo  iskugu soo hadhay tartankan oo lagu soo xushay  quruxdooda iyo hal-abuurnimadoodaba.

Hablaha tartamaya, ayaa ka soo kala jeeda dalalka Ghana, Nigeria, Kenya, DR  Congo, Somaliland, Cameroon, Eritrea, Somalia, Togo, Guinea, Senegal, iyo Lesotho, siday faafisay Somalilandsun.

Bandhiga tartan Miss Afrika GB  oo la aasaasay sannadkii 2011-kii, waxaa loo qabtaa hablaha Afrikaanka  ah ee ku dhaqan Ingiriiska (Black Africa UK pageant), waxaana loogu talogalay in lagu dhiirrigeliyo hablaha Afrikaanka ah ee ku nool Ingiriiska, ahmiyadda laga leeyahayna ma aha  qurxudooda oo kaliya, waxase xoogga la saaraa  soo bandhigista tarbiyadooda, hal-abuurnimadooda iyo dhaqanka  dalalka ay ka soo jeedaan, si loo soo saaro haween hoggaaminta ku wanaagsan.

Inkasoo Somaliland  ay tahay markii  u horraysay ee ay tartankan ka qaybgasho, waxa kaloo ka qaybgalaysa gabadh la yidhaahdo Miss Naimo oo ka soo jeeda dalka Soomaaliya.

Lifaaqan kaga Bogo macluumaad dheeraad ee 26-ka hablood ee bandhigan ka qaybgalaya

Meet the 26 finalists of the 7th Annual Miss Africa Great Britain Beauty Pageant

LEAVE A REPLY

Please enter your comment!
Please enter your name here