Tirada Dadkii Lagu Dilay Gobolka Oromiya, Hubka iyo Xaddiga Lacageed ee La Dhacay Afartii Bilood ee u Dambeeyey

0
155
Taliyaha Booliska Gobolka Oromiya ee Itoobiya Alemayehu Ejigu

Hargeysa(Gudgude)– Taliyaha Booliska Gobolka Oromiya ee Itoobiya Alemayehu Ejigu, ayaa ballanqaaday in aanay u dulqaadan doonin wax uu ugu yeedhay xoogag doonaya inay khal-khal  geliyaan ammaanka gobolkaas.

Siday baahisay Warbaahinta dawladdu, Taliyaha Booliska Oromiya wuxuu xaqiijiyey  in gobolkaas lagu dilay  afartii bilood ee la soo dhaafay 29 qof oo shicib ah iyo 12 sarkaal oo boolis ah oo ay ka mid ahaayeen laba Taliye deegaan.

Taliyuhu wuxuu intaas ku daray in sidoo kale rebashadaha gobolkaas ka dhacay ay ku dhaawacmeen 77 askari oo Boolis ah iyo 40 xubnood oo maleeshiya ah.

Booliska Gobolka Oromiya waxa kaloo ay intaas ku dareen in magaalooyin  ku yaalla  gobolkaas laga jabsaday saldhig boolis Laba Kun iyo Laba iyo Toddobaatan qori, halka lacag  3 Milyan oo Bir ahna laga xaday  xafiisyo dawladeed iyo bangiyo ku yaalla galbeedka degaanka  Wollega.

Taliyaha Booliska Oroomiya wuxuu ku eedeeyey rebshadaha ka dhacay galbeedka gobolkaas  inay ka dambeeyaan xubno ka mid ah jabhadda xoreynta Oroomiya ee OLF.

LEAVE A REPLY

Please enter your comment!
Please enter your name here